Dashi
Ditë mjaft e qëndrueshme kjo e sotmja për ata që janë në një lidhje. Gjithçka do t’ju ecë si e kishit programuar, kështu që nuk do keni as shqetësimin më të vogël. Beqarët do gjenden përballë një zgjedhjeje të vështirë, për të cilën duhet të mendojnë gjatë. Në planin financiar, influenca e yjeve do jetë e madhe. Tregohuni të matur në mënyrë që financat të përmirësohen.
Demi
Do përballeni me zhgënjime të mëdha gjatë kësaj dite ju që jeni në një lidhje dhe herë pas here do vuani mjaft. Partneri nuk do kujdeset si më parë. As beqarët nuk do kenë fat në dashuri dhe do vazhdojnë të mbeten të vetmuar. Në planin financiar, gjërat do ecin mirë. Mos harroni gjithsesi se keni edhe disa borxhe për të larë, kështu që shpenzoni me maturi.
Binjakët
Ditë mjaft e tensionuar kjo e sotmja për të gjithë ata që janë në një lidhje. Nuk do ndiheni aspak mirë pranë personit që dashuroni. Beqarët do t’i refuzojnë të gjitha ftesat që do t’ju bëhen dhe do mbeten sërish vetëm. Edhe për financat do jetë ditë goxha e vështirë kjo e sotmja. Vetëm me kujdes dhe maturi mund t’ia dilni ta përmirësoni situatën.
Gaforrja
Sot do fillojë një etapë e re dhe shumë e bukur në jetën tuaj sentimentale. Do merreni vesh për gjithçka me atë që keni në krah dhe gjërat do t’ju ecin sipas parashikimeve. Do përjetoni kënaqësi dhe kjo është më e rëndësishmja. Beqarët do kenë një nga ditët më të veçanta dhe të mbushura me takime. Në punë, mos u nxitoni të hidhni hapa të pamenduara.
Luani
Marrëdhënia në çift do jetë shumë e mirë gjatë kësaj dite. Për çdo gjë do flisni hapur me partnerin dhe nuk do ju mbetet asnjë brengë. Beqarët do jenë plot angazhime dhe nuk do e kenë mendjen te krijimi i një lidhjeje. Kjo do jetë diçka e parëndësishme për momentin. Në planin financiar duhet të mësoni të ruani ekuilibrin. Po shpenzuat shuma marramendëse, do keni probleme serioze.
Virgjëresha
Do jeni shumë përtacë gjatë kësaj dite dhe nuk do e ndryshoni aspak rutinën e jetës suaj në çift. Kjo mund të sjellë probleme dhe mërzitje të madhe. Beqarët nuk do jenë ende gati të ndryshojnë statusin dhe do vazhdojnë të mbeten si kanë qenë. Financat do i menaxhoni me shumë përkujdes, prandaj gjendja sa do vijë e do bëhet më e mirë.
Peshorja
Atmosfera për ata që janë në një lidhje do ngrohet së tepërmi gjatë kësaj dite dhe do ndiheni si në ëndërr pranë personit që dashuroni. Çdo çast do jetë plot ngjyra. Beqarët do kenë një ditë të favorshme dhe plot njohje të reja. Duke reflektuar mirë, mund të bëni edhe zgjedhje. Financat do fillojnë dalëngadalë të përmirësohen. Do mendoni edhe për të ardhmen.
Akrepi
Ditë shumë e zakonshme dhe pa asgjë të veçantë kjo e sotmja për të dashuruarit. Merrini gjërat si t’ju vijnë dhe bëni atë që do ju thotë zemra për momentin. Beqarët nuk duhet të kërkojnë gjëra të pamundura dhe të palejueshme, sepse do vuajnë tej mase. Në planin financiar, mos prisni që problemet t’ju zgjidhen sa hap e mbyll sytë; prisni disa kohë.
Shigjetari
Ditë e mbushur me çaste të lumtura kjo e sotmja për të dashuruarit. Partneri do mendojë si t’ju bëjë të ndiheni si në përrallë, kështu që edhe ju duhet t’ia shpërbleni me dashurinë tuaj. Beqarët duhet të pranojnë të takohen me persona të rinj, sepse vetëm në këtë mënyrë mund të njohin partnerin ideal. Në planin financiar priten vështirësi goxha të mëdha.
Bricjapi
Mos u tregoni të paduruar gjatë kësaj dite ju që jeni në një lidhje dhe mos hidhni asnjë hap për të cilin shumë shpejt të pendoheni. Beqarët do e kërkojnë gjithë ditën princin e kaltër, por do e gjejnë vetëm atëherë kur do dorëzohen. Jeta është plot surpriza. Gjendja e të ardhurave do jetë aq e mirë saqë do kryeni edhe ndonjë investim më tepër.
Ujori
Jeta juaj në çift ka rrezik të jetë e paqëndrueshme gjatë gjithë kësaj dite. Nuk do merreni vesh si duhet me partnerin dhe situata mund të ndërlikohet më shumë nga sa e keni menduar. Beqarët do kërkojnë gjëra të pamundura dhe nuk do ju plotësohen dëshirat. Buxheti do jetë i mirë nëse tregoheni të kujdesshëm me shpenzimet dhe nuk jepni hua.
Peshqit
Ditë e mrekullueshme dhe e mbushur me momente fantastike kjo e sotmja për të dashuruarit. Shfrytëzoni çdo sekondë sikur të ishte e fundit. Beqarët do kenë të papritura të këndshme, të cilat mund t’ua ndryshojnë idenë që kishin për jetën në vazhdimësi. Financat, sado që të mundoheni sot, nuk do arrini t’i mbani të qëndrueshme. Do përballeni me pasojat e gabimeve që keni bërë.
