Rezultatet e analizave toksikologjike kanë hedhur dritë mbi vdekjen e 19-vjeçares që humbi jetën në Argostoli, pasi u la pa ndihmë në një hapësirë publike.
Ekzaminimet laboratorike konfirmuan praninë e kokainës, kanabisit dhe alkoolit në gjakun e të resë. Të dhënat tregojnë se këto substanca janë konsumuar gjatë së njëjtës ditë, një element që po vlerësohet nga hetuesit për të rindërtuar ngjarjen.
Ngjarja ndodhi pasi 19-vjeçarja kishte qenë në një ambient hoteli, ku dyshohet se kishte përdorur lëndë narkotike. Më pas ajo u gjet e braktisur dhe pa ndihmë në një shesh, në gjendje të rëndë shëndetësore.
Autoritetet presin edhe përfundimet e analizave histologjike, të cilat pritet të japin informacion shtesë mbi shkaqet e vdekjes dhe ndikimin e substancave në organizëm.
Në kuadër të çështjes, tre të rinj janë vendosur në paraburgim. Ndaj tyre rëndon akuza për vrasje me mosveprim, sipas dispozitave përkatëse të Kodit Penal.
