Modelja 30-vjeçare dhe ylli i “Wuthering Heights” u panë duke ngrënë mëngjes së bashku në Hawaii, ndërsa burime pranë tyre pretendojnë se janë në lidhje prej disa muajsh.
Kendall Jenner ka shtuar dyshimet për një romancë të mundshme me Jacob Elordi, pasi dyshja u panë së bashku në Hawaii këtë javë.
Modelja 30-vjeçare, e cila më herët ishte në lidhje me reperin Bad Bunny, raportohet se është parë duke ngrënë mëngjes me aktorin e filmit Wuthering Heights, sipas disa fotografive të publikuara në Instagram nga faqja e njohur e thashethemeve DeuxMoi.
Kjo vjen pasi një burim kishte deklaruar për Daily Mail në prill se Jenner dhe Elordi kanë disa muaj që janë në lidhje romantike.
Sipas përshkrimit të postimit të DeuxMoi, dyshja kishin zgjedhur lokalin Nourish Hanalei për të ngrënë mëngjes. Jenner u shfaq e veshur me një bluzë gri pa mëngë dhe pantallona të zeza me bel të ulët, ndërsa flokët i kishte lidhur bisht dhe mbuluar me një kapelë ngjyrë blu të errët.
Ndërkohë, Elordi kishte zgjedhur një stil casual me këmishë xhins dhe xhinse të çelëta.
Daily Mail raporton se ka kontaktuar përfaqësuesit e të dy yjeve për koment, por deri tani nuk ka marrë përgjigje.
