Qytetarët që kundërshtojnë projektet e ndërtimit në zonën e Zvërnecit kanë paralajmëruar vijimin e protestave.
Nga Bulevardi “Dëshmorët e Kombit”, pjesëmarrësit përcollën mesazhin “Nesër më shumë”, duke njoftuar tubimin e ri të martën në orën 18:00 para Kryeministrisë.
Protestuesit kërkojnë anulimin e projektit të ndërtimeve në Zvërnec.
Mes thirrje antiqeveritare, sot mbi dy orë, mijëra qytetarë kanë kërkuar njëzëri në bulevardin “Dëshmorët e Kombit” dorëheqjen e kryeministrit Rama dhe anulimin e projektit për Zërnecin, kanë sjellë mesazhet e tyre me këngë patriotike.
Ata kanë kënduar himnin kombëtar, si dhe këngën ‘Për mëmëdheun’, ndërsa sheshi ka oshëtirë në brohërima.
Kujtojmë se qytetarët po protestojnë për ndërtimet në zonat e mbrojtura, siç është Zvërneci apo dhe për Paketën e Maleve dhe për çështjen e trajtimit hormonal në QSUT.
