Qytetarë të shumtë janë mbledhur sot në ditën e 64-të radhazi të protestës kundër kryeministrit Edi Rama dhe kabinetit të tij qeveritar.
Tubimi ka nisur me grumbullimin e protestuesve në Sheshin “Skënderbej”, nga ku më pas me dhjetëra qytetarë kanë nisur marshimin masiv drejt godinës së Kryeministrisë.
Me thirrje të fuqishme dhe pankarta në duar, protestuesit i janë drejtuar selisë së ekzekutivit duke kërkuar largimin e menjëhershëm të kreut të qeverisë.
Gjatë përshkrimit të bulevardit kryesor drejt godinës së qeverisë, në kor dëgjoheshin thirrjet e panumërta të qytetarëve: “Edi Rama o tradhtar, jep dorëheqjen sa më parë!”
Sipas vetë protestuesve, qëndresa në shesh do të vijojë pa u ndalur deri në përmbushjen e të gjitha kërkesave të tyre dhe dorëheqjen e plotë të kabinetit qeveritar.
