Al Nassr po përballet me pretendime për një krizë të madhe financiare, me borxhe që raportohet se arrijnë rreth 280 milionë dollarë, ndërsa disa burime pretendojnë se shifra mund t’i afrohet edhe 1 miliard dollarëve.
Sipas raportimeve të Oh My Goal, një pjesë e madhe e vëmendjes është përqendruar te kontrata e Cristiano Ronaldos, për të cilin pretendohet se ka përfituar rreth 625 milionë dollarë në katër vite, ndërsa Al Nassr ka fituar vetëm një trofe gjatë kësaj periudhe.
Situata thuhet se ka bërë që PIF të vendosë kufizime mbi klubin, duke penguar transferimet e reja derisa gjendja financiare të stabilizohet.
Ndërkohë, Saudi Pro League duket se po ndryshon strategji, duke u fokusuar te lojtarë më të rinj si Crysencio Summerville dhe Francisco Trincão.
Në anën tjetër, MLS vazhdon të tërheqë emra të mëdhenj si Lewandowski, Griezmann dhe Casemiro.
Por këtë merkato vëmendjen po e merr edhe liga turke, e cila po ofron paga marramendëse për yjet botërorë, me Mohamed Salah që raportohet të përfitojë 23.13 milionë euro, Victor Osimhen 20 milionë, ndërsa Ederson 17.19 milionë.
