Një 15-vjeçar ka mbijetuar për rreth dy ditë mbi një varkë të përmbysur në Detin Bering, në Alaskë, pasi vëllai i tij i madh dhe kushëriri humbën jetën në aksident.
Derek Parker Aghnaanga kishte dalë për peshkim së bashku me dy familjarët e tij, por varka e tyre u përmbys të shtunën në mbrëmje.
Ata nuk u kthyen në kohën e planifikuar, duke nxitur një operacion kërkimi nga Roja Bregdetare amerikane.
15-vjeçari u pikas të hënën në mëngjes nga një avion dhe më pas u shpëtua nga ekuipazhi i anijes së peshkimit Northwest Explorer.
Në momentin e shpëtimit, ai kishte simptoma hipotermie dhe u ngroh me batanije dhe pako të nxehta.
Kapiteni i anijes, Adam White, e cilësoi adoleshentin si “një djalë jashtëzakonisht të fortë”.
Sipas familjarëve, 15-vjeçari kishte qëndruar gjatë gjithë kohës mbi varkë, në ujërat e ftohta dhe pa ushqim e ujë.
Nëna e tij, Vina Kulowiyi, tha se djali i saj “mbijetoi me lutje” dhe se ishte i bindur se do të shpëtonte.
Trupat e vëllait dhe kushëririt të tij u gjetën gjithashtu nga ekipet e kërkim-shpëtimit.
