Andrey Kovatchev, raportues i Partisë Popullore Europiane (PPE) për Shqipërinë, ka reaguar për protestën e studentëve, duke theksuar kërkesat e të rinjve për llogaridhënie, luftën kundër korrupsionit dhe mbrojtjen e të drejtës për të protestuar paqësisht.
Në reagimin e tij, Kovatchev nënvizon se të rinjtë shqiptarë kërkojnë më shumë se premtime, duke kërkuar një të ardhme evropiane të ndërtuar mbi demokracinë dhe shtetin e së drejtës.
Ai thekson se zërat e studentëve duhet të dëgjohen, shqetësimet e tyre të merren seriozisht dhe e drejta e tyre për të kundërshtuar në mënyrë paqësore ata që janë në pushtet duhet të mbrohet.
Kovatchev nënvizon gjithashtu se liria e tubimit dhe e shprehjes duhet të ushtrohet në mënyrë paqësore. Sipas tij, dhuna është e papranueshme, qoftë nga protestuesit apo nga organet e zbatimit të ligjit, ndërsa të gjitha pretendimet duhet të hetohen në përputhje me procesin e rregullt ligjor dhe parimin e llogaridhënies.
Reagimi i Andrey Kovatchev, Reporter e EPP për Shqipërinë:
Të rinjtë e Shqipërisë kërkojnë më shumë se premtime: ata duan llogaridhënie, fundin e korrupsionit dhe një të ardhme evropiane të ndërtuar mbi demokracinë dhe shtetin e së drejtës.
Zërat e tyre duhet të dëgjohen, shqetësimet e tyre të merren seriozisht dhe e drejta e tyre për të kundërshtuar në mënyrë paqësore ata që janë në pushtet duhet të mbrohet.
Liria e tubimit dhe e shprehjes duhet të ushtrohet në mënyrë paqësore. Dhuna është e papranueshme, qoftë nga protestuesit apo nga organet e zbatimit të ligjit, dhe të gjitha pretendimet duhet të hetohen në përputhje me procesin e rregullt ligjor dhe parimin e llogaridhënies.
Europa dëshiron të mirëpresë një Shqipëri të përkushtuar ndaj vlerave tona evropiane.
