Liverpooli është kualifikuar në çerekfinale të Kupës së Ligës së Anglisë, pasi e mposhti Chelsean pas ekzekutimit të penalltive, me rezultat 6:5.
Ndeshja u zhvillua në stadiumin “Anfield”, në një atmosferë të bukur sportive, ndërsa koha e rregullt përfundoi me rezultat të barabartë, 1:1.
Të dy golat u shënuan në fund të pjesës së parë dhe të dy erdhën nga pika e bardhë.
Në minutën e 40-të, Chelsea kaloi në epërsi me golin e Morgan Rogers, i cili realizoi nga penalltia, duke e dërguar topin në rrjetë për rezultatin 0:1.
Vetëm tri minuta më vonë, Liverpooli barazoi shifrat. Cody Gakpo ekzekutoi saktë penalltinë, duke e dërguar topin ulët në këndin e portës, pa i dhënë asnjë mundësi reagimi portierit Mike Penders, për rezultatin 1:1.
Meqë rezultati nuk ndryshoi deri në fund të kohës së rregullt, fituesi u vendos nga pika e bardhë.
Në serinë e penalltive, për Liverpoolin realizuan Alexis Mac Allister, Alexander Isak, Cody Gakpo, Florian Wirtz, Barcola dhe Joe Gomez, ndërsa Tsimikas dhe Gravenberch dështuan nga pika e bardhë.
Te Chelsea, të saktë ishin Pedro Neto, Morgan Rogers, Lavia, Henderson dhe Colwill, ndërsa Barco, Emegha dhe Fofana nuk arritën të shënonin.
