Ballina Politika Akuzoi Bashën për pazar në 2021, Berisha bën të njëjtën kërkesë: Qeveri...

Akuzoi Bashën për pazar në 2021, Berisha bën të njëjtën kërkesë: Qeveri teknike para zgjedhjeve

15
0

Në fjalimin e përnatshëm përpara mbështetësve të tij, ish-kryeministri Sali Berisha tha se e vetmja zgjidhje është krijimi i një qeverie teknike për të shkuar drejt zgjedhjeve të lira dhe të ndershme.

“Rrugë tjetër për t’u marrë me diktaturën, përveç mosbindjes civile nuk ka. Ndaj duhet guxim, guxim dhe guxim. Dhe të shporrim, të largojmë nga pushteti këtë bandë, këtë aleancë të pushtetit me krimin. Të krijojmë qeverinë teknike, të shkojmë drejt zgjedhjeve të lira dhe të ndershme. Koha është e guximtarëve, guximtareve. Ndaj dhe koha ka ardhur, çdo ditë që kalon është ditë e humbur të ecur të sigurt drejt fitores që na pret”, tha midis të tjerash Berisha.

Pas nisjes së përplasjeve mes Berishës dhe Bashës, ish-kryeministri e ka akuzuar kreun e PD se me ministrat teknik të emëruar para zgjedhjeve të vitit 2021 pati një “pazar mes Ramës dhe Bashës. Ndërkohë tani, është vetë Berisha që kërkon qeveri teknike.