Ylli i muzikës pop, Madonna, njoftoi sot se më 3 korrik të këtij viti, do të publikojë një album të ri të quajtur “Confessions on a Dance Floor: Part II” për kompaninë e prodhimit Warner Records.
Në njoftimin zyrtar për shtyp, Madonna tha se albumi i ri i është “detyruar festimit të lojës dhe trupave tanë”.
“Pista e vallëzimit është një hapësirë rituale. Është një vend ku lidheni me plagët tuaja, me brishtësinë tuaj. Rave është një art. Ka të bëjë me shtyrjen e kufijve tuaj dhe lidhjen me një komunitet njerëzish me të njëjtat mendje. Tingulli, drita dhe dridhjet riformësojnë perceptimet tona, duke na tërhequr në një gjendje transi”, sipas deklaratës së Madonnës.21 vjet më parë, në vitin 2005, Madonna publikoi albumin me të njëjtin emër “Confessions on a Dance Floor”, i cili konsiderohet si rikthimi i saj i madh në majën e muzikës pop, sipas AP.
Albumi i vitit 2005 u çertifikua si platin nga Shoqata e Industrisë së Regjistrimit të Amerikës (RIAA) dhe fitoi çmimin Grammy të vitit 2006 për albumin më të mirë elektronik/dance.
