Në vazhdën e protestave masive brenda dhe jashtë vendit për largimin e kryeministrit Rama, emigrantët shqiptarë u mblodhën sot në Berlin duke kërkuar dorëheqjen e kryeministrit.
Gjatë tubimit, protestuesit mbanin pankarta dhe brohorisnin slogane si “Rama ik, ju erdhi fundi”, duke shprehur pakënaqësinë e tyre ndaj qeverisjes dhe situatës politike në Shqipëri.
Pjesëmarrësit kërkuan ndryshim politik dhe zhvillimin e zgjedhjeve të lira.
Edhe në Vjenë janë më qindra shqiptarët që janë bashkuar në një protestë kundër qeverisë së Rilindjes.
Ashtu si në të gjitha qytetet e mëdha të botës edhe në kryeqytetin austriak shqiptarët kanë bërë thirrje për dorëheqjen e Edi Ramës.
Ndërkohë protestat janë shtrirë edhe në Hagë. Ditën e sotme shqiptarët po mbajnë sërish protestë në Hagë.
Ata shprehen të pakënaqur me qeverisjen, ndërsa akuzojnë klasën politike për largimin e shqiptarëve dhe mungesës alternativës në vend.
“Kështu do të arrijmë të rrëzojmë qeverinë e korruptuar. Na kanë përzënë nga shtëpitë tona për 35 vite. Shqipërinë e përfaqëson, arti, folklori, kultura, tradita”, u shpreh një protestues.
Sot në Tiranë protestat për largimin e kryeministrit Edi Rama futën në ditën e 15 të tyre.
