Presidenti i Republikës, Bajram Begaj ka dekretuar sot shpalljen e ligjit ‘Për dhënie amnistie’. Ky ligj mori dritën jeshile nga Kuvendi me 84 vota pro më 18 qershor, nga i cili do të përfitojnë 1335 të dënuar.
Sipas projektligjit të miratuar me votat e Partisë Socialiste dhe ato të PSD-së, 466 persona do të lirohen menjëherë nga burgu, prej të cilëve 11 janë gra dhe 1 i mitur. Ndërkohë, 869 të tjerët do të përfitojnë ulje dënimi, mes tyre 8 gra dhe 1 i mitur. Amnistia penale hyn në fuqi 15 ditë pas botimit në Fletoren Zyrtare.
