Sekretari i Përgjithshëm i Partisë së Lirisë, Tedi Blushi, ka reaguar në rrjetet sociale pas arrezstimit të Ergys Agasit.
Blushi ngre pikëpyetje për fatin e kantinës së verërave që administronte Agasi, duke pretenduar se aty ruheshin verëra Romanée-Conti të Edi Ramës.
“Kur do të ‘arrestohet’ edhe kantina e verërave që ai administronte?”, shkruan Blushi, duke shtuar se verërat “u ‘tretën’ brenda natës”, edhe pse kantina ruhej me policë te dera.
Postimi i plotë:
Ergys Agasi u dorëzua!
Por enigma mbetet: Kur do të “arrestohet” edhe kantina e verërave që ai administronte?
Ajo kantinë ku ruheshin verërat Romanée-Conti të Edi Ramës, që kushtonin sa pensionet e një Qarku të tërë dhe që u “tret” brenda natës, edhe pse ruhej me policë te dera.
