Forcat e policisë kanë ndërhyrë pranë ambienteve të Kryesisë së Kuvendit në Tiranë, ku kanë larguar një grup protestuesish të cilët ishin grumbulluar pranë hyrjes dytësore të godinës.
Sipas raportimeve nga terreni, protestuesit ishin pozicionuar në anën tjetër të hyrjes kryesore me qëllim për të pritur daljen e deputetëve pas përfundimit të punimeve dhe mbledhjeve parlamentare.
Me qëllim parandalimin e ndonjë incidenti të mundshëm dhe garantimin e lëvizjes së ligjvënësve, shërbimet e policisë ndërhynë duke zmbrapsur qytetarët dhe duke liruar perimetrin e daljes nga godina.
Prania e forcave të rendit mbetet e shtuar në zonë për të parandaluar përshkallëzimin e mëtejshëm të tensioneve.
