Grupi gjerman Nordex u shpall fitues në tenderin ndërkombëtar për furnizimin e parkut energjetik të erës në Spille me turbina, që do të ndërtohet nga austriakja Verbund.
Nordex njoftoi se do të furnizojë dhe instalojë 12 turbina me erë të modelit N163/6.X, të destinuara për një park me erë me kapacitet 84 MW – projekti “Spille” në Shqipëri. Kontrata përfshin gjithashtu një marrëveshje shërbimi të nivelit të lartë (“Premium Service”) me kohëzgjatje 15 vjet, ndërkohë që shifra e transaksionit nuk është bërë publike.
Parku i Spillesë përbën zhvillimin e parë të energjisë së erës në Shqipëri. VERBUND e fitoi kontratën pas një tenderi ndërkombëtar, të shpallur nga qeveria shqiptare në vitin 2023. Parku, punimet e të cilit sapo kanë nisur, parashikohet të ketë një prodhim vjetor të parashikuar prej 130 mijë Mëh. Të gjitha punimet inxhinierike civile dhe ato të ndërtimit do të kryhen nga kompania Strabag.
Dietmar Reiner, Drejtor Menaxhues i VERBUND Green Poëer, u shpreh: “Projekti ‘Spille’, parku i parë me erë në Shqipëri, shënon një moment kyç në tranzicionin energjetik të vendit dhe përfaqëson një hap të rëndësishëm përpara në strategjinë tonë të rritjes. Ekspertiza dhe përkushtimi i Nordex na japin besim të plotë në këtë projekt; partneriteti ynë afatgjatë bazohet në vlera të përbashkëta dhe një vizion të përbashkët për të ardhmen. Fakti që e nisim së bashku këtë rrugëtim, e bën projektin edhe më të vlefshëm për ne.”
José Luis Blanco, CEO i Grupit Nordex, deklaroi: “Hyrja në një treg të ri është gjithmonë një moment i rëndësishëm për ne dhe jemi shumë të kënaqur që e ndërmarrim këtë hap në Shqipëri së bashku me VERBUND. Projekti ‘Spille’ dëshmon mundësitë në rritje për energjinë e erës në vend. Me teknologjinë tonë N163/6.X dhe ofertën tonë afatgjatë të shërbimeve, presim të kontribuojmë në diversifikimin e mëtejshëm të miksit të energjisë së rinovueshme në Shqipëri.”
Parku me erë “Spille” do të ndërtohet rreth 50 kilometra në jug të qytetit port të Durrësit. Nordex do të furnizojë turbinat N163/6.X, të cilat do të vendosen mbi kulla çeliku tubulare me lartësi të boshtit (hub-it) prej 113 metrash. Vënia në punë e parkut me erë është planifikuar për pranverën e vitit 2028.
Kontrata për projektin “Spille” bazohet në bashkëpunimin ekzistues midis Nordex dhe VERBUND Green Poëer. Në janar të vitit 2026, kompanitë nënshkruan një marrëveshje kuadër shumëvjeçare, e cila mbulon furnizimin e mundshëm të turbinave me erë me kapacitet deri në 700 Më për projekte në gjashtë tregje evropiane, ku Shqipëria është një nga vendet e përfshira.
Sistemi elektroenergjetik i Shqipërisë është mbështetur tradicionalisht në masë të madhe te hidroenergjia, ndërsa vendi synon të diversifikojë më tej strukturën e prodhimit nga burimet e rinovueshme, përmes teknologjive që përfshijnë energjinë e erës dhe atë diellore./Kapital
