Ndërsa sytë janë te Luke Littler dhe yjet e tjerë të kampionatit botëror të shigjetave, balerina joshëse po tërheqin vëmendjen edhe në Pallatin Alexandra. Midis tyre është edhe Lacey Edwards, një ish-konkurrente në “Love Island”, të cilën shumë e krahasojnë me yllin e filmave Megan Fox.
29-vjeçarja Lacey mbahet mend nga sezoni i tetë i shfaqjes “Love Island” në vitin 2022, ku morën pjesë edhe Gemma, vajza e futbollistit Michael Owen dhe Adam Collard. Ajo hyri në vilën në Mallorca në Ditën 45 si një surprizë e madhe dhe menjëherë u lidh me Deji Adeniyi, raporton KosovaPress.
Megjithatë, romanca e tyre ishte jetëshkurtër, pas vetëm katër ditësh, konkurrentët e tjerë i shpallën ata çiftin “më pak të pajtueshëm”, gjë që çoi në eliminimin e tyre. Marrëdhënia përfundoi menjëherë pas kthimit në botën reale.
Pavarësisht largimit të shpejtë, Lacey foli pozitivisht për përvojën e saj. “Vërtet, shumë e shijova kohën time në vilë. Ishte padyshim e shkurtër dhe e ëmbël,” tha ajo.
“Isha shumë e emocionuar që do të hyja si një konkurrente sensacionale, ishte vërtet, shumë argëtuese dhe isha e emocionuar të shihja nëse mund t’ia ktheja kokën dikujt.
“Është shumë e vështirë për ne të shihemi për momentin, por unë dhe Deji bëjmë video-telefonatë me njëri-tjetrin pothuajse çdo ditë. Ne ende flasim, ai thjesht nuk më ka ftuar ende për të dalë dhe nuk jam e lumtur.”
Tri vjet pas famës televizive, Lacey ka gjetur një rol të ri. Pas një audicioni të suksesshëm vitin e kaluar, ajo debutoi si balerinë në Kampionatin Botëror të Shigjetave. Ajo i ka impresionuar organizatorët, pasi është ftuar të jetë pjesë e trupës zyrtare të vallëzimit në botërorin e shigjetave, duke argëtuar tifozët dhe lojtarët në Pallatin Alexandra.
Kur nuk performon, Lacey punon si instruktore pilates dhe trajnere fleksibiliteti. Ajo është aktive në Instagram, ku ka më shumë se 38 mijë ndjekës, me të cilët ndan rregullisht foto nga stërvitja, shfaqjet e vallëzimit, udhëtimet dhe momentet me të dashurin e saj James. Duket se, larg kamerave të “Love Island”, ajo e ka gjetur dashurinë në fund të fundit.
