Një dokumentar për luftën në Gaza ka shkaktuar një nga reagimet më të forta në historinë e Festivalit të Filmit në Venecia. “NAZA”, i realizuar nga regjisorët izraelitë Yuval Abraham dhe Rachel Szor, mori një ovacion në këmbë që zgjati rreth 24 minuta e gjysmë, duke vendosur një rekord të ri në festival.
Filmi është dokumentari i vetëm në konkurrimin kryesor të edicionit të këtij viti dhe trajton mënyrën se si janë përzgjedhur objektivat ushtarake gjatë luftës në Gaza.
“NAZA” përfshin intervista me 24 persona që kanë shërbyer në ushtrinë dhe inteligjencën izraelite. Regjisorët pretendojnë se dëshmitë e tyre hedhin dritë mbi sistemet e përdorura për identifikimin e objektivave dhe mbi pasojat që kanë pasur sulmet ndaj civilëve palestinezë.
Dokumentari është xhiruar në fshehtësi dhe është realizuar gjatë luftës. Titulli “NAZA” lidhet me një term ushtarak që përdoret për të përshkruar numrin e civilëve që pritet të vdesin si pasojë e një sulmi.
Reagimi në Venecia ishte jashtëzakonisht i fortë. Publiku qëndroi në këmbë për rreth 24 minuta e gjysmë, duke thyer rekordin e mëparshëm të festivalit.
Filmi ka shkaktuar gjithashtu debat të madh politik. Ushtria izraelite ka kundërshtuar mënyrën se si paraqiten në dokumentar çështjet e proporcionalitetit dhe veprimeve ushtarake.
Tashmë “NAZA” shihet si një nga kandidatët më të fortë për Luanin e Artë. Fituesi i çmimit kryesor të Festivalit të Venecias pritet të shpallet sot.
