Tom Holland ka mohuar thashethemet për ndarjen nga Zendaya, të premten gjatë një daljeje në Los Angeles.
Ylli i “Spider-Man” u pyet nga TMZ nëse ai dhe Zendaya ishin të ndarë dhe ai thjesht tha: “Jo, absolutisht jo”.
Thashethemet për një ndarje të mundshme mes Zendaya dhe Tom Holland kanë qenë në rritje ditët e fundit, pasi ylli i “Euphoria” hoqi të gjitha llogaritë në faqen e saj në Instagram, shkruan DailyMail.
Shqetësimin e fansave e shton fakti se aktorja e “Dune” dhe aktori i “Spider-Man” nuk janë fotografuar së bashku që prej 25 tetorit.
Në atë kohë, çifti po bënte blerje ushqimore në Los Angeles.
Sipas TMZ, një burim me njohuri të drejtpërdrejta thotë se çifti i aktrimit janë parë së bashku në natën e Vitit të Ri.
Zendaya u pa gjithashtu duke dalë në Los Angeles të premten, duke zgjedhur të shkonte në një punë me vëllain e saj Austin.
