Thirrjet për largimin e qeverisë kanë vijuar fuqishëm gjatë protestës së zhvilluar para Kryeministrisë, ku qytetarët kanë shprehur pakënaqësinë e tyre ndaj situatës politike dhe sociale në vend.
Mes pankartave dhe thirrjeve kundër qeverisë, protestuesit kanë kërkuar ndryshim të sistemit politik, duke theksuar se reagimi i tyre lidhet edhe me të ardhmen e brezave të rinj.
“Të largojmë këtë sistem edhe për ata që po rriten rrugëve të Europës”, u shpreh një prej pjesëmarrëseve në tubim.
Ajo përdori tone ironike ndaj kryeministrit Edi Rama, duke deklaruar se koha e tij në pushtet ka përfunduar.
“Rama, më vjen keq vëllai, por të ka mbaruar koha. Ik bëj ndonjë pikturë”, tha ajo mes duartrokitjeve dhe thirrjeve të protestuesve.
