Jose Mourinho ka pushtuar sërish Camp Noun, duke e udhëhequr Real Madridin drejt një fitoreje të madhe 2:1 ndaj Barcelonës në El Clásico, rezultat që mund të shënojë një pikë kthese për madrilenët në garën për titullin e La Ligës.
Trajneri portugez u rikthye në Barcelonë në një atmosferë të tensionuar, por skuadra e tij arriti të triumfojë në një përballje me rëndësi të madhe, duke dëshmuar se po kalon një periudhë pozitive pas një fillimi të vështirë të sezonit.
Fitorja në Camp Nou ishte e veçantë edhe për faktin se Real Madridi regjistroi triumfin e pestë radhazi në të gjitha garat, ndërsa i dha fund serisë së pamposhtur të Barcelonës në La Liga.
Për madrilenët, ky sukses erdhi në një moment vendimtar. Gabimet e javëve të para dhe paraqitjet e qëndrueshme të Barcelonës nën drejtimin e Hansi Flick kishin krijuar presion mbi Real Madridin, por fitorja në El Clásico e ndryshon ndjeshëm situatën në garën për titull.
Me këtë rezultat, diferenca mes dy rivalëve të mëdhenj është ngushtuar në vetëm tri pikë, duke e mbajtur garën plotësisht të hapur.
Tetori ishte gjithashtu një muaj i përsosur për skuadrën e Mourinhos, e cila regjistroi pesë fitore në pesë ndeshje, tri në kampionat dhe dy në Ligën e Kampionëve. Në garën evropiane, madrilenët kanë fituar të gjitha ndeshjet e zhvilluara deri më tani.
Pas ndeshjes, Mourinho vlerësoi paraqitjen e lojtarëve të tij, duke theksuar organizimin, përqendrimin dhe guximin që treguan përballë një kundërshtari që ushtron presion të lartë.
“Djemtë luajtën një ndeshje të jashtëzakonshme, shumë të organizuar, të përqendruar dhe të guximshëm duke luajtur nga mbrojtja kundër një kundërshtari që bënte presion të lartë. Ne mundëm një kundërshtar të shkëlqyer, me një gjyqtar që luajti mirë dhe një VAR që ishte në gjumë në minutën e 60-të, pas një kartoni të kuq të pastër për faull të Cancelos ndaj Diomande. Por një ndeshje e shkëlqyer dhe një fitore e madhe”, deklaroi Mourinho.
Kështu, Real Madridi e mbylli një muaj të suksesshëm me një fitore që ka peshë të madhe në aspektin sportiv dhe psikologjik, ndërsa Mourinho dëshmoi edhe një herë se di të përgatitet për ndeshjet më të mëdha.
