Ballina Sport De la Fuente kërkon që skuadra të ruajë të njëjtin mentalitet

De la Fuente kërkon që skuadra të ruajë të njëjtin mentalitet

46
0

Pas 43 ndeshjesh radhazi pa humbje, skuadra e Luis de la Fuentes është mposhtur nga Anglia me rezultatin 3-2, në një përballje të zhvilluar në Madrid mbrëmjen e së dielës.

Kjo ishte humbja e parë e La Rojas që nga marsi i vitit 2024, duke i dhënë fund një ecurie mbresëlënëse të kampionëve të Evropës.

Megjithatë, pavarësisht disfatës, trajneri Luis de la Fuente nuk e ka humbur optimizmin dhe ka përsëritur një deklaratë që e ka bërë edhe në momentet më të mira të skuadrës: “Më e mira ende nuk ka ardhur”.

Tekniku spanjoll pranoi se Anglia ishte superiore në 30 minutat e para, duke nxjerrë skuadrën e tij jashtë ritmit të lojës. Megjithatë, ai vlerësoi reagimin e Spanjës, e cila sipas tij kishte mundësi të siguronte të paktën një barazim.

De la Fuente beson se anglezët e trajtuan këtë takim si një finale, ndërsa Spanja nuk arriti të kishte të njëjtin nivel motivimi dhe përqendrimi.

“Fakti që e gjithë bota dëshiron ta mposhtë Spanjën është një ndjenjë e mrekullueshme”, deklaroi trajneri, duke theksuar se ndaj kundërshtarëve të nivelit të Anglisë, Francës, Portugalisë apo Italisë duhet të jesh gjithmonë në formën më të mirë.

Pavarësisht humbjes, objektivi i Spanjës mbetet i qartë: fitimi i Ligës së Kombeve.

De la Fuente kërkon që skuadra të ruajë të njëjtin mentalitet si në fitore, ashtu edhe në humbje.

Në mars, La Roja do të zbresë në fushë për çerekfinalet e kompeticionit, me synimin për të kaluar më tej dhe për të luftuar deri në fund për trofeun.

Humbja ndaj Anglisë i dha fund një serie historike, por mesazhi i De la Fuentes është i qartë: Spanja nuk ka thënë ende fjalën e fundit!